Волф правеше чуда на голот, Германија ќе игра за злато на ОИ

Германија е првиот финалист на ракометниот турнир во машка конкуренција на Летните Олимписки Игри, билет кој го обезбеди со драматична победа над Шпанија од 25:24 (12:12).

Ракометната класика донесе многу возбудувања, борба, неизвеснот, игра на една топка, а на крајот како пресудна се покажа чудесната партија на германскиот голман Андреас Волф. Волф имаше над 20 одбрани меѓу кои и неколку клучни во финишот кога противникот можеше да отиде на плус два, ама тој тоа не го дозволи, им отвори пат на колегите кои дадоа два гола, го вратија водство и го сочуваа за конечен триумф.

Кога се работи за стрелците Усчинс со шест и Гола со четири гола  беа најефикасни кај Германците, на спротивната страна лидер беше Фернандез со пет реализации.

Инаку ова соочување го судеа нашите најдобри арбитри Славе Николов и Ѓорѓи Начевски.