„Волците“ го „гризнаа“ Арсенал на „Емирејтс“ (ВИДЕО)

Фудбалерите на Вулверхемптон оставарија победа над Арсенал од 2-1 во вечерашниот меч што се одигра на „Емирејтс“ во рамките на 10.коло во Премиер лигата.

Ова за „волците“ е петто сезонско славје, а до истото стигнаа без услугите на најдобриот напаѓач Раул Хименез кој во раната фаза мораше да го напушти теренот по еден тежок судир со домашниот стопер Давид Луиз.

Луиз го разнесе Хименез, Мексиканецот на носилки го напушти теренот (ВИДЕО)

Резултатот го отвори Нето во 27 минута, но одговорот од спротивната страна пристигна веднаш преку Габриел (30 мин). До крајот на првиот дел избраниците на Еспирито Санто се изборија за нов водство со погодокот на Поденс во 42 минута.

Во вториот дел имаше удари на двете страни, ама ниту еден од нив не заврши во рамката на голот на Лено и Патрисио. Вулв со 17 бода е на 6 позиција, Арсенал со 13 поени ја држи 14 позиција.