Вокер воодушевен од атмосферата во Белград: Ваква публика никогаш не сме доживеале

Црвена Звезда иако имаше голема поддршка од трибините не успеа да оствари позитивен резултат во соочувањето со Монако во Евролигата.

Гостите од Франција славеа со 82:76 во меч во кој првите минути во ова натпреварување ги одигра некогашниот член на Шарлот, Бостон, Њујорк и Далас, Кемба Вокер. Вокер немаше некој значаен придонес, но допрва од него треба да се очекуваат подобри партии.

-Не знам. Ми треба малку време да влезам во ритам. Но, се забавував. Се надевам дека ќе дојдам во ситуација кога ќе можам да му помогнам на тимот. Не знам колку време ми треба да го достигнам тоа ниво, да му помогнам на тимот повеќе, тоа е мојот главен фокус, -истакна Вокер кој е воодушевен од атмосферата во Белград.

-Беше неверојатна атмосфера, беше онака како што сите ми кажуваа. Мило ми е што го видов и доживеав. Беше тешко, ние направивме да биде така. Знаете како ова е одлично искуство. Ваква публика никогаш не сме доживеале. Но, среќен сум што сум тука, што сум дел од овој клуб и така ќе продолжам, -порача некогашниот 9. пик на НБА драфтот.