Вокер испрати сериозен „рафал“ поради заканите кои ги доби, Сити застана зад својот капитен (Фото)

Манчестер Сити влезе во резултатска криза каква што не се памети во поновата ера на англискиот шампион, па иако овој тим на Пеп Гвардиола донесе безброј радости за навивачите на клубот, има такви кои многу брзо ги заборави сите убави спомени.

Најновиот пораз од Јувентус во Лигата на шампионите донел најголеми главоболки за искусниот Кајл Вокер, кој сега реши јавно да долови какви пораки добивал во текот на изминатото деноноќие.

Десниот бек на Сити како еден од капитените доби најниска оценка за изданието во Торино, но сепак не заслужува закани и пораки какви што добил на социјалните мрежи.

– Никој не смее да биде мета на расистичка и заканувачка злоупотреба каква што доживеав јас по крајот на вчерашниот меч. Инстаграм и властите мора да го спречат ова за доброто на сите кои трпат вакви омаловажувања. Ова е неприфатливо. Мојата порака до навивачите е следна: Ќе продолжиме да работиме како тим за да се подобриме и за да направиме пресврт на оваа ситуација, – гласи објавата на Вокер, на која има споделено една од добиените пораки.

Манчестер Сити како клуб веднаш реагираше и застана зад својот капитен, јасно потенцирајќи дека ги осудува ваквите постапки на фановите и дека е против секаков вид на дискриминација во фудбалот.

pic.twitter.com/eBbYTnfccT

— Kyle Walker (@kylewalker2) December 12, 2024

Manchester City strongly condemns the racist abuse that Kyle Walker was subject to online following last night’s fixture.

— Manchester City (@ManCity) December 12, 2024