Поврзете се со нас

Англија

Вокер го издвои најужасниот противник во Премиер лигата: Мразев да играм против него

Објавено

на

Foto:twitter.com/ManCity

Кајл Вокер со години наназад важи за еден од најдобрите десни бекови во светот, а ако треба да се издвои една карактеристика која го издвојува од останатите дефанзивци, тоа е брзината која ја поседува.

Страшната агилност прави Вокер да биде ноќна мора за најдобрите крила во Англија и Европа, па моќта на десниот бек ја почувствува и играч како Винисиус Жуниор во минатогодишното полуфинале во Лигата на шампионите.

Вокер во денешниот разговор со Рио Фердинанд нагласи дека ужива да игра против брзи фудбалери како Винисиус, но призна дека најтешко му е да се справи со паметни фудбалери кои ја користат техниката и главата.

Запрашан да го издвои играчот против кој најмногу се мачел во Премиер лигата, Вокер го издвои поранешниот играч на Арсенал и Манчестер Сити, Самир Насри.

– На времето го мразев Насри, навистина мразев да играм против него. Тој знаеше да игра на мал простор и тие паметни играчи се најнезгодни за чување. Ставете ме 1 на 1 против било кој играч во светот, но оние кои играат на мал простор се најнезгодни.

– Секогаш го користеше Гаел Клиши за преклопување. Ако тргнев на него, знаев дека ќе го оставам Клиши празен, – објасни Вокер, кој беше надополнет од Фердинанд.

– Целосно ми е јасно што ми зборуваше и го разбирам тоа. Играчите кои не беа толку брзи беа и мојот најголем проблем. Бергкамп, Раул, Ѕола. Играчи кои знаат да изиграат на мал простор и кои те привлекуваа да излезеш од своето место, – додава Рио.

Реклама
Реклама
Реклама

Популарни