ВМФЛ: Македонија Ѓорче Петров според планот на отворањето на сезоната

Македонија Ѓорче Петров е голем фаворит за експресно враќање во македонската фудбалска елита, а тоа го покажа и со изданието во првото коло од Втората лига.

„Лавовите“ на домашен терен во Ѓорче Петров го пречекаа Охрид и сигурно славеа со резултат 2:0, натпревар на кој двата гола бее постигнати во вториот дл.

Крсте Велковски погоди од пенал во 54-та минута, а три минути подоцна веќе беше 2:0 со голот на Симеон Христов и стана јасно дека бодовите остануваат во скопската населба.

Во дербито на двата поранешни прволигаши, Брегалница славеше над Победа со 2:1 и ја отвори сезоната со три бода, пред се благодарение на Глигоров и Абази кои беа стрелци на головите.

Почесниот гол за Победа го постигна Ангелковски во 67-та минута.