Влошена здравствената состојба на еден од најпознатите агенти, Мино Раиола

Угледниот германски медиум „Билд“ пренесува дека супер агентот, Мино Раиола се наоѓа на Интензивна нега во болница во Милан поради проблеми со белите дробови.

54 годишниот агент се појави во болница на 12 јануари, а тогаш дел од медиумите пренесоа дека Раиола мора да оди на итна операција.

Сепак, во соопштението пренесено од неговиот тим тогаш беше кажано дека Раиола се појавил во болница на тестирања кои барале тој да биде ставен под анестезија и дека не станувало збор за итна операција.

Но, „Билд“ денеска пренесува дека здравјето на Раиола дополнително се влошило и тој во сериозна состојба бил сместен во одделението за интензивна нега на болницата.

Раиола е еден од најпознатите светски агент, а се очекува во следниот период да ги средува трансферите на Ерлинг Халанд, Пол Погба и Матијс Де Лихт кои се очекува да реализираат супер трансфери следното лето.