Влаховиќ за специфичната прослава: Луѓето сакаат да зборуваат…

Јувентус ја совлада Џенова со 3-0 и со тоа стави крај на серијата на реми натпревари во италијанската Серија А.

„Старата дама“ немаше триумф во шампионатот од месец август кога беше совладана Верона (3-0), поточно по тој меч тимот ги подели бодовите на пресметките со Рома, Емполи и Наполи, три средби на кои воедно не постигна ниту еден гол.

Денеска Јуве го имаше Душан Влаховиќ кој конечно се разбуди и двапати реализираше и го отвори патот до посакуваните три бода против некогашниот тим на Горан Пандев.

-Најважно е што победивме и сега се надеваме дека вака ќе продолжиме, -рече Србинот кој проговори за специфичната прослава.

-Не е проблем, луѓето зборуваат, научив дека си најдобар кога даваш голови и си лош кога не постигнуваш. Јас зборувам на теренот. Се случува на некои натпревари да добивате повеќе шанси од останатите, добро сум свесен дека луѓето очекуваат многу од мене и не бегам од тоа. Давам 200 проценти и сакам да не се каам, без разлика дали е добро или лошо. Не е важно дали ќе постигнам гол или не, важно е тимот да победи. Не си поставувам граници, одам натпревар по натпревар и уште еднаш повторувам дека важно е тимот да триумфира, -заклучи Влаховиќ.