Влаховиќ врти нов лист: Жалам за тоа што се случи во саботата

Душан Влаховиќ вчера го отвори резултатот во Торино и ја најави убедливата победа на Јувентус над Калјари (4:0), триумф кој пристигна во најдобро време за тренерот Тиаго Мота, но и за самите фудбалери.

По разочарувачкото издание и шокантното реми со Венеција, Влаховиќ дури влезе и во вербална пресметка со навивачите на Јувентус, но вчера успеа да го остави инцидентот зад себе и понуди партија каква сите очекуваат од него во континуитет.

– Среќни сме за победата и поддршката која ја добивме. Бевме навистина среќни што толку многу фанови дојдоа да не бодрат, добивме поддршката од првата до последната минута.

– Играм за еден од најголемите клубови во Европа кој има повеќе од 60 милиони фанови ширум светот. Како што кажав, жалам за тоа што се случи во саботата, но мора да продолжиме напред заедно. Мора да бидеме сплотени и тоа е најважно.

– Со ваква игра можеме да парираме на било кого. Секоја победа носи самодоверба и мора да одиме чекор по чекор, – изјави Влаховиќ.