Влаховиќ проработи, Јувентус победнички низ Џенова (ВИДЕО)

Душан Влаховиќ не беше на посакуваното ниво во изминатиов период и за своите изданија заработи доста критики, но во фудбалот работите можат за брзо време да се сменат и во тоа може да помогне партијата која вечерва Србинот ја имаше против Џенова.

Напаѓачот беше без погодок еден месец и тоа од мечот со Верона, но денеска конечно проработи и со два гола одигра клучна улога во славјето од 3-0.

Најважните моменти се случија во второто полувреме, Душан го искористи пеналот во 48 минута, а веќе во 55 рутински реализира за водство од 2-0.

До крајот погоди и Консеисао и на тој начин Јувентус официјално им се врати на победите во Серија А по трите реми средби со Рома, Наполи и Емполи.