Влаховиќ: Полесно ми е кога играм за Србија

Душан Влаховиќ по подолг период им се врати на обврските во српската репрезентација, па беше и асистент во важното реми на гостувањето кај Швајцарија во Лигата на нации.

Напаѓачот на Јувентус по средбата го коментирал својот настап, а со една реченица може да предизвика и негативна реакција во таборот на својот клуб.

– За мене е многу полесно кога играм со уште еден напаѓач, бидејќи Митровиќ ја задржува топката и се инволвира во воздушните дуели, па јас можам да ги истакнам своите карактеристики и квалиети.

– Селекторот исто така не ми назначува обврски во играта во одбрана, па и тоа многу ми олеснува. Со мојата физичка конституција, не можам да трчам многу и не сум доволно свеж при завршните удари, – рекол Влаховиќ.

Србија утре ја пречекува Данска во уште еден натпревар во Лигата на нации, по што Влаховиќ ќе се подготвува за дербито меѓу Милан и Јувентус во Серија А.