Влаховиќ го реши балканското дерби во Подгорица, Павар со еврогол донесе триумф за Франција (ВИДЕО)

Репрезентацијата на Србија излезе како победник од балканското дерби со Црна Гора кое вечерва се одигра во Подгорица.

Гостите се изборија за славје од 2-0, па со вкупно 6 бода се лидери во групата Г во квалификациите за Европското првенство во 2024 година. Човек на одлука беше напаѓачот на Јувентус, Влаховиќ кој беше автор на двата погодоци во 78 и 96 минута.

Во истата група, Унгарија го потврди статусот на фаворит и ја суреди Бугарија со 3-0.

Франција пак го освои Даблин благодарение на новото ремек-дело на дефанзивецот Павар. Павар кога игра за националниот тим секогаш дава супер голови, па така беше и вечерва против Република Ирска каде со „проектил“ донесе три бода во 50 минута.

What a goal by Pavard😮‍💨🇫🇷pic.twitter.com/I3CN5Fe5Ag

— PurelyFootball (@PurelyFootball) March 27, 2023

На другите средби Австрија ја совлада Естонија со 2-1. Молдавија и Чешка ремизираа без голови, Холандија-Гибралтар 3-0, Полска-Албанија 1-0 и Шведска-Азербејџан 5-0.