Владата подготви уште една богата премија за македонските ракометари (Фото)

Машката ракометна репрезентација направи значаен исчекор на последното Светско првенство и оваа генерација предводена од селекторот Кирил Лазаров покажа дека поседува голем потенцијал, па добрите изданија и достоинственото претставување на нашата земја, донесоа нова награда за цел тим .

РФМ брзо го исполни своето ветување и исплати бонус од 3 милиони денари за македонските ракометари, а сега националниот тим ќе подели иста таква премија и од Владата предводена од премиерот Христијан Мицкоски.

Македонските репрезентативци денеска беа на прием во Владата и добија честитки за прикажаното во Вараждин, но исто така и нова парична награда од 50 илјади евра.

– Денеска заедно со министерот за спорт, Борко Ристовски ги примивме македонските ракометни репрезентативци кои настапија на Светското првенство во ракомет што се одржа во Република Хрватска.