Витсел се одјави од белгиската репрезентација

Белгиската фудбалска репрезентација во иднина нема да смета на искусниот Аксел Витсел, кој решил да ги заврши настапите во националниот тим.

Фудбалерот на Атлетико Мадрид е на второто место според бројот на настапи за „црвените ѓаволи“, но сега решил дека е време да им отстапи место на помладите и да се концентрира на клупските обврски.

Новиот селектор Доменико Тедеско не го повика Витсел во првата прозивка откако ја презема функцијата, а Витсел сега самиот се отпиша и за наредните репрезентативни обврски.

Витсел има 130 настапи за Белгија, а пред него е само Јан Вертонген со 147 репрезентативни натпревари.

Après avoir mûrement réfléchi, c’est avec beaucoup d’émotion que j’ai pris la décision de prendre ma retraite internationale. Ce fut une grande fierté d’avoir pu représenter mon pays durant ces 15 dernières années… (1/3) pic.twitter.com/IqNr2aaZKq

— Axel Witsel (@axelwitsel28) May 12, 2023