Вистинскиот Јанис конечно се огласи и порача: Најмногу ми е жал за семејството на Брајант…

Ѕвездата на Милвоки Бакс и еден од најдобрите играчи во НБА лигата, Јанис Адетокумбо се соочи со хакерски напад на социјалните мрежи, телефонот, и-мејл адресата и банкарската сметка, па дефинитивно се најде во центарот на вниманието на јавноста во САД.

Причината за тоа беа пораките кои беа испраќани од неговиот Твитер профил, а се однесуваат на Леброн Џејмс, Милвоки, Коби Брајант, семејството на Кари… поради кои беа навредливи и за кои не треба превод.

По некое време Гркот успеа да воспостави контрола, си го врати својот Твитер профил каде испрати јасна порака дека жали за тоа што се случило, но воедно порача дека се води истрага.

-Твитовите и објавите беа крајно несоодветни и јас сум толку разочаран и згрозен од работите кои беа кажани. Се чувствувам лошо што Бакс, Крис, Леброн и семејството Кари беа вклучени во злобните и невистинити твитови. Оосбено ми е жал за семејството Брајант кои за време на нивното жалање не треба да бидат изложени на овој вид негативности и погрешно однесување, -порача Јанис.