Вистинска револуција се подготвува во Јувентус, три сигурни заминувања и многу нови фудбалери

Од таборот на Јувентус зад себе оставаат уште една неуспешна сезона која ќе го запали црвениот аларм во клубот каде мора да се почне со работа на секе поле.

Најмогу акцент очекувано би се ставил на трансфер периодот кој следи, период во кој се очекуваат големи промени во тимот предводен од Масимилијано Алегри.

Јувентус за следната сезона дефинитивно останува без Пауло Дибала, Џорџо Кјелини и Федерико Бернардески, а допрва тој список ќе се прошири и со сигурност уште неколку фудбалери од тимот ќе си заминат ова лето.

Челниците на клубот веќе работат на ангажман на нови фудбалери, а во моментов најблиску до премин во Торино е Анхел Ди Марија кој од денеска и официјално е слободен агент и без обесштетување може да ја промени средината.

Пол Погба исто така би можел да се врати во Јувентус, а италијанските медиуми најавуват и сензационален трансфер на Иван Перишиќ чиј договор со Интер исто така влегува во последниот месец.

Јувентус ќе се обиде да плати пари за дефанзивецот на Арсенал, Габриел Мааљаеш, а опција за дефанзивата е и играчот на Атлетико Мадрид, Ренан Лоди.