Висла пресилна за десеткуваниот Металург

Ракометарите на Металург претрпеа очекуван пораз од Висла Плоцк (38-19)  во првиот од двата меча кои овие денови се играат во Полска во рамките на Лигата на Европа.

„Металурзите“ со десеткуван состав не можеше да му парира на расположениот домаќин кој сега има шест од шест во групата А во второто по ранг европско натпреварување. Висла во првите 30 минути направи предност од 16-9, предност која континуирано ја зголемуваше во преостанатиот дел од натпреварот.

Серафимов и Поповиќ со по 5 голови беа први стрелци кај Металург. Вториот натпревар меѓу Висла и Металург се игра во вторник од 18:45 часот.