Вирален хит од аеродром во Аргентина: Обезбедувањето заборави на пасошката контрола по голот на „гаучосите“

Аргентина ја одработи својата задача по почетниот шок кој го доживеа на мундијалот во Катар, па така со победите над Мексико и Полска се пласираше во осминафиналето.

Клучен беше вчерашниот меч со Полјаците на кој „гаучосите“ успеаја да дадат два гола во второто полувреме, по што аргентинските фанови во свој препознатлив стил почнаа еуфорично да го слават пласманот во нокаут рундата.

Аргентина во осминафиналето ќе игра против Австралија и ќе влезе со фаворитска улога во оваа пресметка, но пред да дојде до тој меч, во оваа земја од Јужна Америка се уште се споделуваат видеа од вчерашната фешта.

Од сите објавени видеа на социјалните мрежи, посебно доминира едно од аеродром во Аргентина, каде обезбедувањето задолжено за пасошка контрора и проверка на билетите комплетно се „изгуби“ по голот на својата селекција.

Фудбалскиот фан комплетно ги заборави своите професионални обврски, па со билетот тргна да слави кон телевизорот…..

Aeroporto na Argentina durante o jogo de ontem 😂

pic.twitter.com/VSPvSkWLvm

— bwin_pt (@bwin_portugal) December 1, 2022