Вирален хит: Карагер го потсети Ричардс на соочувањето со Дел Пјеро (Видео)

Џејми Карагер му фати голем сеир на Мика Ричардс, во емисијата посветена на Лигата на шампионите во средата, а видеото од конверзацијата стана вирален хит на Интернет.

Поранешните фудбалери вообичаено извршуваа улога на стручни коментатори, а овојпат во студиото друштво им правел и некогашниот капитен на Јувентус, Алесандро Дел Пјеро.

Карагер го искористил присуството на италијанската легенда за да му фати сеир на Ричардс, потсетувајќи го на еден натпревар меѓу Јувентус и Манчестер Сити, на кој десниот бек бил капитен на премиерлигашот.

Но, Карагер и останатите присутни во студиото, па и самиот Ричардс прснаа од смеа откако на видеото се гледа како Дел Пјеро мајсторски го исфрла од игра англискиот дефанзивец, а Јувентус постигнува гол по неговата асистенција.

– Барем победи во фрлањето на паричката, – шеговито му дофрли Карагер на Ричардс, што вториот го прифати на најдобар можен начин.

CBS can do long-form debates about deadly serious topics as proven yesterday and still get you laughing the next night.

Their coverage is top tier.

pic.twitter.com/105crVgV8Y

— HLTCO (@HLTCO) April 13, 2023