Винисиус Жуниор за партнерството со Мбапе: Тоа ќе биде брутално…

Килијан Мбапе е најголемото засилување за Реал Мадрид во овој преоден рок, ѕвезда со големи успеси на клупски и репрезентативно ниво, играч кој ќе има можност како член на „кралевите“ да додаде нови успеси, титули и со тоа да се потврди како еден од најголемите фудбалери на оваа нова генерација.

Дефинитивно ќе биде занимливо како тренерот Карло Анчелоти ќе ги спои сите тие играчи во офанзивата ако се земе предвид дека ниту еден од нив не е класичен напаѓач.

Винисиус Жуниор не го гледа Мбапе како конкуренција и подготвен е да му помогне.

-Ќе биде брутално, се надевам дека можеме да направиме големи работи.

-Мораме да се грижиме за него и да направиме се што е можно за да може што побрзо да се прилагоди. Секогаш е тешко да се приклучиш на друг клуб, но веќе го направивме тоа со Џуд [Белингем], кој пристигна минатата сезона и блескаше. Се надеваме дека можеме да го повториме тоа со Килијан, -порача Бразилецот за „Реал Мадрид ТВ“.