Винисиус Жуниор откри во кој клуб се гледа во иднина: Морам да го исполнам ова ветување

Винисиус Жуниор веќе пет години го носи дресот на шпанскиот великан Реал Мадрид, период во кој многу напредуваше и денеска е еден од главните носители, клучни играчи на оваа екипа.

Тој е на чекор од потпис на нов договор со „кралевите“ со што ќе ја потврди љубовта, поврзаноста со овој клуб и градот Мадрид, но офанзивецот не може да каже дека остатокот од кариерата ќе ја мине во оваа средина, поточно му има ветено на неговиот татко дека еден ден ќе се врати во Фламенго.

-Мислам дека би можел да останам овде цела кариера. Ама клубот на мојот живот е Фламенго. Му ветив на татко ми дека ќе се вратам еден ден. Морам да го исполна ова ветување, -вели Бразилецот и додава:

-Го сакам животот овде и на моето семејство му оди добро. Кога шетаат моите најблиски, тие ги препознаваат и ни посакуваат ништо друго освен среќа. Малку по малку го открив овој нов живот, нови емоции, жар… Мадрид е единствен, -порача Вини Жуниор кој со Реал ги има освоено сите можни титули.