Винисиус за својата прослава: Секогаш го бакнувам грбот на Реал поради една причина

ВИнисиус Жуниор ги надмина сите проблеми кои ги имаше со реализацијата во досегашниот тек на кариерата и доби неверојатна самодоверба под водство на Карло Анчелоти, за што доказ е и последната бравура која ја изведе на дербито со Севилја.

Бразилецот со сензационален гол го реши дербито на „Сантијаго Бернабеу“ и ги разочара гостите од Андалузија, а истовремено покажа дека во овој момент е убедливо најдобар играч на Реал заедно со Карим Бензема.

Винисиус полека почнува да ги буди страстите и кај фановите на Реал Мадрид кои знаеја да го критикуваат во изминатите сезони поради големите промашувања, но посебно ги воодушевува и неговата прослава.

После секој постигнат гол, Винисиус го бакнува грбот на Реал Мадрид, а сега откри зошто го прави тоа без исклучок.

– Секогаш го правам истото по постигнат гол, секогаш го бакнувам грбот на Реал. Тоа го правам поради една причина. Навивачите и клубот многу ме сакаат, а јас се обидувам да им возвратам и да го носам клубот онаму кадешто му е местото, на највисокото скалило. Со мојата прослава возвраќам на укажаната љубов, – потенцира Винисиус.