Винисиус за поразот на Бразил во Парагвај: Натпреварите во Европа се поинакви

Бразилската фудбалска репрезентација загуби на гостувањето во Парагвај и си ја искомплицира ситуацијата во квалификациите за СП 2026, а Винисиус истапи во име на екипата и им се извини на бразилскита фанови.

Винисиус го започна натпреварот во Асунсион заедно со клупските соиграчи Родриго и Ендрик, но никој од нив не успеа да го скрши отпорот на противничката одбрана, а домаќините постигнаа атрактивен погодок уште во 20. минута.

Винисиус се извинил за поразот, потенцирајќи дека репрезентацијата мора да го подигне нивото во продолжението од квалификациите.

– Многу е поразлично во споредба со клупските настапи.

– Натпреварите во Европа се поинакви, топката се движи побрзо, мора да научиме да се адаптираме за да можеме да победуваме.

– Знаеме во каква ситуација сме и сакаме што побргу да го вратиме Бразил на посакуваното место. Ќе ги прифатиме критиките и мора експресно да го подигнеме нивото. Им се извинуваме на фановите, – рекол Винисиус.