Винисиус: Сместивме тројца или четворица во затвор, сега сме на добар пат

Винисиус Жуниор заврши втор во поредокот за најдобар светски фудбалер пред неколку недели, но покрај тоа што води битка со најдобрите на теренот, Бразилецот води уште една важна надвор од него.

Напаѓачот на Реал Мадрид беше жртва на неколку немили расистички епизоди во Шпанија и посебно се истакнаа навивачи на Валенсија, Мајорка и Атлетико Мадрид, а првите чекори беа направени такашто четворица добија затворски казни.

ОВој напредок е од огромна важност за самиот Винисиус, кој вели дека со силната порака која се испраќа со затворски казни, ќе се исплашат и подзамислат останатите расисти кои сакаат да ги расипуваат фудбалските моменти на теренот.

– Направивме огромен исчекор во последните неколку месеци и сместивме во затвори тројца или четворица. Направивме да платат за делото што го направија. Со ваков пристап, можеме да ја намалиме штетата што побрзо, бидејќи сега личност која има расистички нагони ќе се размисли дали да го прави тоа пред камерите.

– Со ваков сериозен пристап, ќе се влијае да има подобра атмосфера на стадионите. Мислам дека сме на вистинскиот пат, страдав многу во Шпанија и се уште страдам, но добивам се поголема помош од клубовите. Јас оваа битка не можам да ја добијам сам, мора да ми се подаде рака, само така ќе ги отстраниме расистите од фудбалот и општеството, – вели Винисиус.