Винисиус: Мојот глас стана важен во соблекувалната на Реал, но не можам со нив двајца……..

Винисиус Жуниор беше во подредена улога кога ги имаше своите почетоци во Реал Мадрид и воглавно мораше да добива заштита од повозрасните колеги во тимот, но со текот на годините, Бразилецот полека се издвои како една од најважните фигури во соблекувалната.

Вини е задолжен за забава и за фудбалски танци по големите победи кои ги остварува Реал Мадрид, но сега самиот открива дека неговиот глас станал уште позначаен откако од тимот си замина Карим Бензема.

Брзоногиот фудбалер е свесен дека со промената на улогата му расте и одговорноста, но сепак потенцира дека не може да биде на исто ниво со ветерани во тимот како Тони Крос и Лука Модриќ.

– Јасно е дека мојата улога во тимот е променета. Кога дојдов бев дете без никакви одговорности, но сега јас сум играч кој мора да го подигне тимот и да ја подигне соблекувалната кога е потребно. Знам дека сите очекуваат многу од мене и го прифаќам тоа. Притисокот е многу важен ако сакате да напредувате во кариерата.

– Мојот глас стана важен во соблекувалната, но се уште знам каде е моето место. Не можам со Крос и Модриќ, тие се уште се тука. Јас треба да ги слушам нив и имам што да научам од нив. Тие двајца се пример за сите нас, освоија толку многу и ние само ги следиме во насоките кои ни ги даваат, – вели Винисус.