Винисиус ја исправи неправдата која ја доживеа млада навивачка на Реал (Видео)

Винисиус Жуниор беше избран за играч на мечот на дербито против Валенсија и постигна два гола, но оној пред крајот на првиот дел беше навистина посебен и оригинален.

Бразилецот ја спушти топката со гради во мрежата на Мамардашвили и се погрижи за специјална реализација, а покрај тоа што е многу активен за се она што се случува на теренот, Вини очигледно следи што се случува и надвор од него.

Ѕвездата на Реал го соблече дресот по крајот на првиот дел и го фрли кон трибината каде мирно го чекаше едно младо девојче, но неговата добра намера не мина најдобро.

Еден повозрасен фан го украде наменетиот дрес за девојчето и буквално ја расплака младата симпатизерка на Реал, која неколку дена подоцна доби големо изненадување од Вини.

Бразилецот ја поправи неправдата и ѝ се обрати на младата Адријана, на која и порача дека и чува потпишан дрес за следниот меч кој ќе го игра Реал на домашен терен.

– Здраво Адријана, јас сум Вини. Ти се извинувам за тоа што се случи на натпреварот. Тука е мојот дрес, ќе го потпишам за тебе. Набрзо ќе се видиме и ќе направиме заедничка фотографија. Довидување и чувај се, – и порача Винисиус на младата навивачка.

Necesito que difundáis este vídeo para que se haga algo al respecto. Ya hay que ser mala persona para hacer eso, dios mío.pic.twitter.com/EVHzrKBZcw

— Danik (@DanikRM_) November 12, 2023

Finalmente Vini le dará su camiseta a Adriana. Que grande es 🤍pic.twitter.com/nw1f2vx1Sp https://t.co/TjlGnCm9kk

— Danik (@DanikRM_) November 13, 2023