Винисиус глумеше на теренот, фановите му фаќаат сеир: Попрво ќе добие „Оскар“ отколку „Златна топка“ (Видео)

Винисиус Жуниор е клучен играч за Реал Мадрид и прави разлика на теренот на речиси секој натпревар, па така беше и вчера на натпреварот против Леганес.

Бразилецот по барање на Карло Анчелоти му ја отстапи левата крилна позиција на Килијан Мбапе и му подели асистенција на Французинот во победата од 0:3, но покрај добрите потези кои ги понуди на „Бутарке“, за жал повторно покажа и едно свое лошо лице кое му носи и многу негативни коментари од фановите.

Винисиус глумеше по еден дуел со играч на Леганес и се обидуваше да исценира добиен удар во пределот на главата, но на оваа негова финта не наседна главниот судија.

Повторената снимка само детално покажа дека глумата на Винисиус беше доста провидна, па фановите решија да му фаќаат брутален сеир:

– Попрво ќе добие „Оскар“ отколку „Златна топка“….

View this post on Instagram

A post shared by Rafael Hernández (@rafaelh117)