Вилијан се огласи во јавноста по најавите дека имал средба со Мурињо: Имам добар однос со него…

Бразилскиот интернационалец од редовите на Челси, Вилијан, веројатно ќе го напушти „Стемфорд Бриџ“ и во друг клуб ќе ја продолжи кариерата.

Многумина веќе го преселија во Тотенхем, а одредени медиуми веќе објавија дека тој имал средба со менаџерот на тимот, Жозе Мурињо.

На ваквите објави веднаш реагираше и самиот играч кој потврди дека е во добри односи со Мурињо, но дека не се точни пишувањата дека тој имал средба со искусниот стратег.

– Не сум имал никаков контакт со Мурињо во скоро време. Кога ќе влезете во земјава, треба да поминете период на самоизолација. Дури и сега, јас се уште не сум ја напуштил куќата, па најавите дека сум се сретнал со Жозе за мене дојдоа како изненадување.

– Не сум зборувал со него ни преку телефон, а не сум се ни сретнал затоа што не сум излезен од дома. Ваквите најави не се точни.

– Имам многу добар однос со Мурињо и понекогаш си разменуваме пораки, но во последно време не го имаме сторено тоа, -изјави Вилијан.