Вилијамс откри зошто ја одбил Барселона: Решив да останам поради тоа

Нико Вилијамс неколку сезони е дел од првиот тим на Атлетик Билбао, но пошироката јавноста подобро го запозна со настапот на Европското првенство каде едноставно беше незапирлив на крилните позиции, односно заедно со Ламин Јамал беа можеби и клучен фактор за титулата на Шпанија.

Тој долго време беше на мета на Барселона, каталонците сакаа да ја активираат клаузулата и да го доведат на „Камп Ноу“, ама до таа операција не дојде од проста причина што самиот играч реши да остане во Баскија, одлука за која не жали и денеска.

-Овој однос што го имаме во срцето на клубот е неверојатен. Сите ги почитуваат сите други, што е неверојатно. Оваа атмосфера, никогаш нема да ја имам на друго место. Решив да останам поради тоа. Ја донесов одлуката за која мислев дека е вистинската. Среќен сум и се трудам да дадам се од себе, -обелодени Вилијамс кој има активен договор до 30 јуни 2027 година.

Во тековнава кампања има учинок од 6 гола и 7 асистенции на 34 средби во сите конкуренции.