Вилијамс назначи близок соработник на Тото Волф за нов тимски шеф

Формула 1 тимот Вилијамс денеска го потврди името на новиот тимски шеф, а тоа ќе биде Џејмс Ваулс.

Се работи за добро познато име во шампионатот и до неодамна директорот за стратегии во редовите на Мерцедес, екипа која токму со Ваулс доминираше во Ф1 пред двете последни шампионски сезони на Ред Бул.

Ваулс ќе го наследи Јост Капито, кој доби отказ во декември по само две години минати како предводник на Вилијамс.

– Голема чест е да се работи тим со ваква историја.

– Едвај чекам да започнам со новиот ангажман, а истовремено сум им многу благодарен на Тото Волф и сите останати соработници со кои минав многу успешни години, – изјавил Ваулс кој беше еден од најважните и најблиските соработници на Волф.