Вилијамс го отпушти Сарџент и го потврди неговиот наследник до крајот на сезоната

Формула 1 тимот Вилијамс денеска го официјализираше она што долго се шпекулираше, а тоа е дека нема да му даде уште една шанса на Логан Сарџент.

Сарџент го уништи болидот на Вилијамс на еден од тренинзите во Холандија и со тоа си ја одреди иднината во овој тим, а денеска е потврдено дека тој ќе биде заменет од актуелниот Ф2 возач, Франко Колапинто.

Колапинто ќе дебитира на претстојната трка во Монца и ќе вози до крајот на Формула 1 сезоната, со што ќе му биде нов тимски колега на Алекс Албон.

Вилијамс веќе најави дека следната сезона возачи на тимот ќе бидат Карлос Саинц и Албон, но Сарџент не успеа да ја комплетира својата втора сезона и последните девет трки ќе бидат добра можност за младиот Колапинто.

Сарџент не успеа да освои ниту еден поен оваа сезона и ќе ја заврши Ф1 приказната со еден освоен поен од 36 извозени трки со болидот на Вилијамс.