Виландер „знае“ зошто Ѓоковиќ го ангажира Мари: Со него…

Новак Ѓоковиќ се реши за изненадувачки потег и во иднина ќе го има Енди Мари како најблизок соработник или поточно како тренер.

Мари ја заврши кариерата во текот на оваа сезона и за него ова ќе биде прв предизвик на ова поле, односно ќе биде дел од тимот на човекот со кого до „вчера“ водеше големи битки на терените. Оваа вест и понатаму е во фокусот на тенисот, па легендарниот Матс Виландер од стручен агол се обиде да објасни зошто Ноле го избра Шкотот и како тој ќе може да му помогне.

-Мојата прва реакција беше дека Ѓоковиќ сака да освои повеќе грен слемови. Јасно е дека сите би сакале да го видиме да триумфира по 25. пат на овие турнири. Сега со Мари кој ќе му помага велам дека може да ги освојува најголемите трофеи во 2025 година, па дури и во 2026 година.

-Сè што може Енди да каже, Новак веројатно веќе знае. Ама Енди играше против сите најдобри играчи на денешницата, против кои ќе игра и Новак. Разговарал со Синер, Алкарас, Зверев, Медведев, Циципас, тренираше со нив и нема да го крие тоа како тајна пред Ѓоковиќ. Тој ќе има мислење за играта на сите тие момци. Има многу ситни детали за нив кои Мари ги знае, а Новак можеби не размислува. Енди освои три гренслема и два златни медали. Го освои и Дејвис купот. Има многу работи што ги знае и Новак, но можеби нема да се сети пред некој важен меч.

-Тоа е порака во која Новак вели дека се уште верува дека е способен да игра врвен тенис. Можеби мисли дека неговите најдобри години се уште пред него. Ова е силна порака за Синер и Алкарас како и за најдобрите светски тенисери. Сигурен сум дека Енди може да стане одличен тренер. Тој совршено разбира колку е неопходно да се работи напорно, како да се игра најдобро кога ви е најпотребно. Секогаш зборуваме за достигнување на вашиот максимум кога е најважно и Енди го знае тоа. Тој го освои Вимблдон двапати, а тој е Британец, а притисокот беше огромен, -вели Виландер и на крајот посочува:

-За разлика од Федерер и Надал, кои речиси никогаш не комуницираа со својата клупа, Ноле и Енди тоа го правеа или го прават со големи емоции. Па ќе биде интересно како ќе биде меѓу нив. Кога Новак ќе го погледне Енди за време на натпреварот и ќе побара совет. Што да правам сега? Зошто мојот форхенд не работи? Што можеш да ми кажеш? Тоа ќе биде една од најинтересните односи меѓу тренерите и тенисерите што сме ги имале, заклучи Швеѓанецот.