Виландер го спореди Синер со „големата тројка“: Тој е многу добар кога…

Јаник Синер е во позиција да дојде до уште еден голем резултат во кариерата, односно до нов грем слем пехар го дели само уште една победа на Ју-Ес Опен.

Италијанецот треба да го совлада Тејлор Фриц за да слави во Њујорк, меч во кој дефинитивно го има статусот на фаворит, ама ќе треба да го потврди на теренот.

Пред ова соочување легендарниот Матс Виландер го пофали Јаник и еден ден од неговата игра спореди со големата тројка, Новак Ѓоковиќ, Рафаел Надал и Рожер Федерер.

-Тој е толку добар кога ја контролира размената на удари. Во изминативе 10, 15 или 20 години членовите на големата тројка се издвојуваа од останатите затоа што ја диктираа играта со својот форхенд, не правеа грешки.

-Истото важи и за Јаник, тој едноставно ќе го збрише противникот на теренот и не губи такви поени. Алкарас понекогаш греши во овие ситуации, но тоа не го гледате кај Јаник. Толку е константен кога е агресивен, -вели Виландер.