Виландер: Ѓоковиќ го „повреди“ Алкарас со својата игра

Полуфиналето меѓу Новак Ѓоковиќ и Карлос Алкарас на Ролан Гарос беше најава за голема пресметка, но заврши со рутинска победа на Србинот, откако повредениот Алкарас не можеше да понуди сериозен отпор поради проблемите кои ги имаше со грчеви.

Тениската легенда Матс Виландер смета дека ваквите проблеми на Алкарас се новитет и потенцирал дека очигледно се резултат на играта на Ѓоковиќ.

– Ваквата состојба му ја предизвика Новак и само Новак.

– Постои голема разлика како се движи Ѓоковиќ кога е исцрпен во споредба со движењето на Карлос.

– Не сум видел вакво нешто да му се случува на Алкарас, а Ѓоковиќ ги искористи сите предности. Стресот и тензијата беа присутни кај Карлос, не сум слушнал досега дека има проблеми со грчеви. Трчаше многу, Ѓоковиќ веројатно играше попаметно, додека неговиот противник не ја читаше најдобро играта, – истакнал Виландер.