Виери го избра најдобриот италијански тренер во историјата на фудбалот: Никој не направи нешто слично

Кристијан Виери е се повеќе популарен со својот интернет канал насловен „Бобо ТВ“, но сега направи и ексклузивно интервју за „ДАЗН“ во кое го пофали Куп успехот на Интер, но говореше и за тренерите кои направија револуција во италијанскиот фудбал.

Легендарниот голгетер во споменатото интервју потенцира дека секогаш му било подобро и полесно да соработува со тренери кои имаат „поцврста рака“ и кои бараат максимум на тренинзите, но вели дека никој од актуелните тренери не може да се спореди со двајцата најголеми во историјата.

Виери доби за задача да го посочи најдобриот тренер во Италија, но иако на прво место го става Ариго Саки, сепак не пропушта да го спомене и Марчело Липи.

– Многумина ме прашувале за ова, па јас ќе кажам Саки. Тој ја направи револуцијата во италијанскиот фудбал. Тој направи нешто што никој нема направено. Никој не го повтори она што тој го направи со Милан.

– После него го сместувам Липи, кога отидов во Јувентус кај него, тој беше напред психички и физички. Тој уште тогаш имаше методи кои сега почнуваат да ги применуваат некои тренери. Освои се, стана светски шампион, тој и Саки се најдобри, – вели Виери.