Видео во кое уживаат фановите на Јуве: Бесот на Лаутаро по поразот во Торино

Интер одново покажа слабости на натпревар против еден од најсилните тимови во Италија и тоа полека се претвора во голем проблем за актуелниот италијански шампион, кој од стартот на сезоната запиша само три победи на десет дуели против топ 8 екипите во Серија А.

„Нераѕурите“ вчера загубија на гостувањето во Торино во големото дерби со Јувентус и пропуштија убава можност да се искачат на врвот, па така Наполи остана првопласиран на табелата и по најновата натпреварувачка рунда.

Интер не профитираше од подоброто прво полувреме во кое не реализираше неколку извонредни шанси, но потоа беше евидентно послаб од Јувентус, кој можеби го одигра и најдоброто полувреме во последно време.

Јувентус победи со голот на Консеисао и се искачи на четвртото место на табелата, а сатисфакцијата за домашните фанови беше поголема и поради бесот кој го искажа Мартинез.

Капитенот на Интер навистина тешко го прифати поразот од големиот ривал, нешто што не го криеше веднаш по последниот судиски свиреж.

Lautaro uncensored pic.twitter.com/4yoI1VjMWK

— Nero (@Levitatingzebra) February 16, 2025