Видео кое ги воодушеви Шпанците: Херојот Камелјо даваше изјава, Анри покажа класа со потегот

Серхио Камелјо со два мајсторски гола прерасна во вистински херој на шпанската олимписка репрезентација, која вчера се закити со златни медали на фудбалскиот турнир.

Играчот на Рајо Валјекано стави точка на супер интересното финале на „Паркот на принцовите“ и со своите два гола ги матираше „триколорите“, кои на крајот останаа покуси во намерата да го одбранат домашниот терен.

Играчите на Тјери Анри мораа да им подадат рака на ривалите кои победија со 5:3 во возбудливиот меч, а по крајот на средбата, и францускиот селектор режирал потег кој на големо се споделува во Шпанија.

Додека херојот Камелјо давал интервју за националната телевизија, Анри за момент го прекинал неговото обраќање за да му честита за триумфот.

Џентлменскиот потег на Анри само покажува каква класа е Французинот, кој знаеше да режира слични потези и за време на играчката кариера.

⭐️🤝🦸Leyenda reconoce a héroe: el saludo de Henry a Camello

Cuando uno de los mejores jugadores de la historia te viene a saludar, muchas cosas bien has tenido que hacer.#Paris2024 #ParisRTVE9a pic.twitter.com/XSNaVwMYma

— Teledeporte (@teledeporte) August 9, 2024