Видал во свој стил: Тој е идиот, изгледа…

Чиле едно време важеше за една од најнезгодните и најопасните селекции во Јужна Америка, меѓутоа работите сега се сменија и потврда за тоа е позицијата во квалификациите за Светското првенство во 2026 година.

Чилеанците по осум одиграни кола се на претпоследното место со само една победа и 5 освоени бода. Во овој септемврски „прозорец“ тие очекувано загубија од Аргентина со 3-0, но потоа беа шокирани од Боливија на свој терен со 2-1.

Овие настапи дефинитивно се разочарување, па искусниот Артуро Видал удри по селекторот Рикардо Гарека кој го презема националниот тим на почетокот на 2024 година.

-Јас сум играч на најдобриот тим во Чиле, еден од 16-те најдобри во Јужна Америка, нормално е да се лутам што не сум во репрезентацијата. Селекторот изгледа гледа само една лига на ТВ и тоа е аргентинската.

-Тој идиот не ни гледа Копа Либертадорес. Затоа упорно ги повикува истите играчи и нема резултати. Одамна требаше да им се заблагодари на многу луѓе, но не го прави тоа и намерно ги задушува младите таленти на кои не им дава шанса, -порача Видал.