Поврзете се со нас

Шпанија

Ветувања од сите страни: Уште еден претседателски кандидат најави ангажман на две супер ѕвезди

Објавено

на

blank

Фудбалскиот клуб Барселона во март ќе добие нов претседател откако конечно ќе се одржат долго очекуваните избори на кои битката за фотелјата ќе ја водат неколку познати и признати дејци од Каталонија.

Прв фаворит за позицијата е Жоан Лапорта, а како најголем негов ривал се смета Тони Фреикса кој со своето последно интервју се обиде дополнително да си го подобри рејтингот пред изборите.

Фреикса во изјава за „Радио Каталуња“ истакна дека Барселона и покрај загубата од над милијарда евра може да ангажира бомбастични засилувања како Килијан Мбапе и Ерлинг Халанд. Директно прашан од новинарот дали клубот би можел да ги ангажира овие играчи, Фреикса одговори:

– Апсолутно е возможно, тоа е она што Барселона треба да го прави, да носи играчи кои ќе направат разлика, -истакна Фреикса, но потоа одби да даде одговор на дополнителното прашање дали ќе тргнат по Мбапе и Халанд.

– Нема да зборуваме за имиња се додека не ги презентираме во клубот. Тоа е лоша стратегија затоа што им давате дознаење на другите клубови да ги забрзаат преговорите, -заврши Фреикса.

Реклама
Реклама
Реклама

Популарни