Ветеранот останува на „Џузепе Меаца“: Џеко ја прифатил понудата од Интер

Репрезентативецот на Босна и Херцеговина, Един Џеко ќе продолжи да го носи дресот на Интер и по крајот на оваа сезона.

Актуелниот договор на ветеранот му истекуваше на крајот на месец јуни и беше неизвесно, отворено дали тој ќе ја продолжи соработката, дали ќе остане на „Џузепе Меаца“. Един во неколку наврати имаше интересни пораки во кои јасно потенцираше дека клубот е на потег, а како што стојат работите двете страни на крајот пронашле заеднички јазик и голгетерот нема да ја промени сегашната средина.

Иако неговата желба била да добие двегодишен договор на крајот се решил да каже „ДА“ за договор со важност до јуни 2024 година. Според истиот ќе заработува по 5 милиони евра што е помалку од претходниот вреден 6 милиони евра.

Босанецот пред Интер настапуваше во Рома, Сити, Волфзбург, Усти над Лабем, Теплице и неговиот матичен клуб Железничар од Сараево.