Ветеранот Кандрева пред камбек во Серија А

Поранешниот италијански репрезентативец, Антонио Кандрева е пред кам-бек во Серија А.

Некогашниот член на Лацио и Интер последниот ангажман го имаше во Салернитана со која испадна од елитната италијанската конкуренција, односно тој од месец јуни е без клуб.

Тоа може да се промени ако се остварат најавите на „Ла Република“ која тврди дека 37-годишниот офанзивец е на чекор од потпис со Џенова. Поранешниот тим на Горан Пандев има освоено само пет бода по шест одиграни кола, има проблеми и со повреди, па доаѓањето на Кандрева треба да помогне да се добие на искуство, но и уште една опција за тренерот Џилардињо.

Антониот има играно и за Сампдорија, па останува да се види каква ќе биде реакцијата и на навивачите на Џенова.