Вест Хем потврди оперативен зафат и принудна пауза за Антонио

Мајкл Антонио заработил фрактура како последица од опасното излетување со својот спортски автомобил, а неговиот клуб Вест Хем денеска потврди во каква состојба е напаѓачот од Јамајка.

Антонио избегна посериозни последици, но сепак фрактурата на ногата била причина за оперативен зафат кој е веќе направен, а фудбалерот наредните денови ќе остане под мониторинг на лекарите во болницата каде е опериран.

34-годишниот фудбалер имал жесток судир со своето Ферари, па единиците за итна интервенција морале да му помогнат за да излезе од автомобилот, но за среќа мина без посериозни и животно загрозувачки повреди.

Антонио е најдобар премиерлигашки стрелец во историјата на Вест Хем, со постигнати 68 голови на 268 настапи.

Детали од страшниот инцидент: Антонио речиси еден час бил „заробен“ во смачканото Ферари (Фото)