Вест Хем го освои „Ст. Џејмс парк“ и избега од опасната зона (Видео)

Вест Хем прескормно ја стартуваше новата натпреварувачка сезона и менаџерот Хулен Лопетеги експресно се најде под голем притисок, но очигледно двенеделната пауза поради репрезентативни обврски добро им дојде на „чеканите“.

Лондонскиот тим денеска се прикажа во најдобро издание на еден гостински терен, па истото беше доволно за да се освои „Ст. Џејмс парк“.

Њукасл влезе како фаворит во оваа пресметка и очекуваше да освои нови три бода пред своите фанови, па иако прв постигна гол, истиот беше поништен поради офсајд на Исак.

Пет минути подоцна, Соучек беше најснаодлив во шеснаесетникот на домашниот тим и погоди со глава за 0:1, што беше најава дека Вест Хем е дојден по трите бода.

Њукасл се обиде да возврати, но постојано имаше недостиг на идеја пред самата завршница, па тоа знаеја како да го казнат гостите кои со втор гол го решија прашањето околу победникот.

Ван Бисака погоди на стартот на вториот дел, а тоа се покажа како дефинитивен удар за „страчките“ предводени од Еди Хау.

Вест Хем со оваа победа избегна подалеку од опасната зона, додека Њукасл останува на средина на табелата како 10-ти со 18 освоени бода.