Кеан колабираше на теренот, Верона ја продолжи лошата серија на Фиорентина (Видео)

Фиорентина врза трет пораз по ред во италијанското првенство и тоа со гол примен длабоко во судиското надополнување, а дополнителна загриженост носи и незгодниот удар во глава кој го испрати Моисе Кеан во најблиската болница.

Верона го доби регионалното дерби со голот на Бернеде во 95. минута и тоа откако офанзивниот играч на домашниот тим ја искористи грешката на противничката одбрана и добро се снајде пред голот на Де Хеа.

Шпанскиот голман не можеше да спречи црно сценарио за гостите од Фиренца, па неговиот тим останува на шестото место со 42 бодови.

Кеан заработи незгоден удар во главата, се врати на теренот, но потоа колабираше и предизвика голема паника на теренот, па лекарскиот тим на Фиорентина го префрли во болница за детални прегледи.

Moise Kean has collapsed on field after a head injury pic.twitter.com/5LVl5KEB62

— BitEuro (@Thermanmerman92) February 23, 2025

Верона со денешната победа дополнително се оддалечи од опасната зона и освои важни бодови во битката за опстанок во Серија А.