Вердер го обезбеди потписот на досегашен фудбалер на Ливерпул

Вердер Бремен успеа да реализира сериозно трансфер засилување и го обезбеди потписот на Наби Кеита.

Фудбалерот кој досега настапуваше за Ливерпул имаше можност да бира каде ќе ја продолжи кариерата, а интересно е што Вердер успеа да го ангажира без да дозволи шпекулации во медиумите изминатите денови.

Утринава германските медиуми првпат најавија дека има преговори меѓу Вердер и Кеита, а неколку часа подоцна фудбалерот е промовиран како нов член на поранешниот германски првак.

Кеита потпишал договор до 2028 година, а медиумите најавуваат дека ќе заработува 1,5 милион евра по сезона, што е големо намалување на неговата плата во однос на престојот во Ливерпул (7 милиони евра).

Пред да настапува во Англија, репрезентативецот на Гвинеја го носеше дресот на РБ Лајпциг.

Es ist wirklich wahr: Der SV Werder verpflichtet Naby #Keïta. ✍️

Der 28-jährige Mittelfeldspieler wechselt ablösefrei vom @LFC an die Weser 👉 https://t.co/c1yZU1bIx9

Herzlich Willkommen, Naby! 💚#Werder pic.twitter.com/QDKQOKq4Kh

— SV Werder Bremen (@werderbremen) June 9, 2023