Венгер и Батлер гледаа од трибините, Чилиќ освои маестрален поен против Алкарас (Видео)

Марин Чилиќ е далеку од тенискиот врв од кој беше дел со години, но хрватскиот ветеран и натаму не се откажува и останува составен дел од важните турнири.

Хрватот се прикажа во навистија пристојно издание во првото коло во Доха во кое го предизвика Карлос Алкарас, па мора да се признае дека му создаде и проблеми на младиот Шпанец во вториот сет.

Чилиќ не искористи три брејк топки во низа при резултат 4:3 во вториот сет, па пропушти шанса да го одземе сервисот и потоа да сервира за 6:3.

Наместо да биде блиску до 1:1 во сетови, Алкарас спаси три брејк топки и ги освои наредните два гејма, па така со 6:4 и 6:4 се пласираше во втората рунда во Доха.

Севкупно гледано, Алкарас од стартот на годината има биланс од 10:1, а единствениот пораз му е оној од Ѓоковиќ во четвртфиналето на Аустралијан Опен.

Интересно, денешната пресметка меѓу Алкарас и Чилиќ ја следеа Арсен Венгер и Џими Батлер од трибините, а најатрактивниот потег му припадна на Хрватот кој освои маестрален поен на мрежа.

Magic Hands! 🙌 @cilic_marin #QatarExxonMobilOpen pic.twitter.com/FPhlP6XATx

— Tennis TV (@TennisTV) February 17, 2025

Football royalty in attendance ⚽️#QatarExxonMobilOpen pic.twitter.com/kBXOmhGKQt

— Tennis TV (@TennisTV) February 17, 2025

Jimmy Butler living his best life watching Carlos Alcaraz and Marin Cilic in Doha

Hard to find another another pro athlete who loves tennis as much as Jimmy 😂 pic.twitter.com/nqnUkkpZPw

— The Tennis Letter (@TheTennisLetter) February 17, 2025