Венеција го шокираше Јувентус, фаворитот се спасуваше од пораз во 95. минута (Видео)

Венеција е тим кој беше отпишан од многумина уште од стартот на сезоната, но денеска како гостин покажа дека може да биде многу незгоден за Јувентус.

Понесени од големата победа над Манчестер Сити, избраниците на Тиаго Мота се очекуваше да имаат рутинска задача против фенерџијата во Серија А, но наместо тоа, домашните навивачи беа сведоци на кошмарно сценарио.

Иако Јувентус поведе со голот на Гати, Јувентус беше прескромен за свои стандарди и дозволуваше Венеција да се заканува, па во такви услови, видовме гол на аутсајдерот, а потоа и втор во самата завршница.

Елертсон израмни на 1:1 по еден час игра во Торино, Идзес погоди за 1:2 и целосен шок на трибините на седум минути пред крајот на регуларниот дел, за потоа работата да ја спасува Влаховиќ со удар од белата точка.

Јувентус доби пенал по едно играње со рака во шеснаесетникот на гостите, а Србинот остана доволно мирен и израмни на 2:2 во 95-та минута.

И покрај тоа што нема пораз, ова е десетто реми за Јувентус во Серија А, па не чуди тоа што се повеќе заостанува на табелата.

Головите погледнете ги ТУКА