Велшаните останаа без уште еден важен играч за дуелот со Македонија

Велшкиот селектор Крег Белами денеска го објави составот со кој фудбалската репрезентација ќе ги започне квалификациите за СП 2026, а на него не се најде уште една ѕвезда за која беше најавено дека ќе има важна улога во мартовската програма.

Искусниот Арон Рамзи поради повреда нема да може да им помогне на своите колеги од националниот тим и дефинитивно нема да биде во комбинација за дуелите со Македонија, односно Казахстан.

Велшаните во вториот термин ќе се сретнат со нашата селекција, а покрај Рамзи, од претходно беше јасно дека Велс нема да смета ниту на Ампаду од Лидс и Вилсон од Фулам.

Рамзи требаше да игра за репрезентацијата првпат по септември минатата година, но заработил повреда на последниот дуел на својот тим Кардиф.

Велшаните на 22. септември го пречекуваат Казахстан, а три дена подоцна гостуваат во Македонија.

CARFAN CYMRU 🇰🇿🇲🇰

It’s time to start the @FIFAWorldCup qualifying journey… pic.twitter.com/Ri6yOMmMj6

— Wales 🏴󠁧󠁢󠁷󠁬󠁳󠁿 (@Cymru) March 12, 2025