Поврзете се со нас

Велосипедизам

Велосипедистот Гронвеген ја дозна казната поради инцидентот по кој негов колега заврши во кома

Објавено

на

Холандскиот велосипедист Дилан Гронвеген денеска заработи девет-месечна суспензија поради инцидентот кој го предизвика за време на велосипедската трка во Полска.

На целната рамнина, Гронвеген ја промени траекторијата на движење и намерно го оттурна Фабио Јакобсен, кој заврши во кома, а докторите со успешни интервенции му го спасија животот.

Казната на Гронвеген истекува од периодот кога се случи инцидентот, што значи дека тој нема да може да се натпреварува до 7. мај следната година, а ќе треба да се појави и на некои настани организирани во корист на унапредување на велосипедската заедница.

– Инцидентот во првата етапа во Полска засекогаш ќе остане црна страница во мојата кариера.

– Последиците беа големи и сериозни, свесен сум за тоа и се надевам дека ова ќе биде лекција за сите спринтери во овој спорт.

– Ги следам вестите за рехабилитацијата на Фабио и се надевам дека еден ден целосно ќе му се врати на велосипедизмот, – изјавил казниот Гронвеген, кој и самиот заработи фрактура на клучната коска во инцидентот.

Реклама
Реклама
Реклама

Популарни