Вејд: Американската кошарка е се послаба, пораснавме во заблуда…

Двејн Вејд веќе некое време е во кошаркарска пензија, поточно мирува по одличната кариера во која имаше успеси на клупски план и репрезентативен план.

Кошарката и понатаму останува негова голема љубов, тој внимателно ги прати сите настани, промени кои дефинитивно ги има во овој спорт во кој Американеците не се доминатни како во некои други времиња.

-Онаму каде што пораснав, ако забележевме белец на другата страна на теренот, ќе си помислиме: „О, тоа е готово“. Не е важно кој и да е, едноставно наша перцепција беше дека белец не може да биде подобар од тебе. Многу Афроамериканци го велеа истото, речиси арогантно. Кај нас доминираше оваа мисла, дека играчите надвор од САД се мрзливи, -истакна Вејд во подкастот на Тони Паркер.

-Кога играв за репрезентацијата, сфатив дека кошаркарите со бела кожа сепак се  добри. Сега се уште подобри. Искрено, американската кошарка е се послаба и послаба. Искуството од играње кошарка на меѓународен план ми ја промени перцепцијата, сфатив дека се игра многу подобра кошарка, генерално ни беше потешко. Мислевме дека се ќе освоиме, -порача Вејд со селекцијата на САД освои злато во Пекинг, а бронза во Атина и на СП во Јапонија во 2006 година.